استمعوا للشاعرة العراقية النقشبندية سميراء العبيدي جان وجان ياوليدي اسمع راح احجيلك سالوفة تبجي الآزمان

بِسْمِ اللّهِ الرَّحْمَنِ الرَّحِيمِ

استمعوا للشاعرة العراقية النقشبندية سميراء العبيدي جان وجان ياوليدي اسمع راح احجيلك سالوفة تبجي الآزمان

شبكة البصرة

جان وجان يا وليدي اسمع راح احجيلك سالوفة تبجي الأزمان عن فارس ما يشبه فارس ما لاوت جفة الفرسان هد بسيفة يحرر قدسة بس كسرت ظهرة الخوان هذا الفارس ياوليدي الغيرة الشايلهه جانت ثوران البركان وجانت تعشك ايدة البرنو وما تخطي بيوم النيشان وجان الخاكي يلوك الطولة وبيرته احلى من التيجان ياوليدي شراح اوصف منه وما خالق ربك انسان يشبه وجه ويشبه رسمه ومن يشبه شيخ الشجعان ومن احجيلك شفته بعيني وما احجيلك يروي فلان شفته يخاف من أسمه الموت وكَبلة مخوف انس وجان وشفته حنين عالمسكين وبجفوفة يطعم الجوعان وشفته يطوف الكعبة ويدعي وخاشع يسجد للرحمن وشفته براس الجوبة يجوب وي شعبه مكيف فرحان وشفته بصدر الساتر يرمي يقاتل هو بحرب أيران وشفت عجيز باست وجهه وتشكيلة الشايب تعبان ياوليدي اسمع كف دموعك عندي من احزانك شكَبان عندي استشهد من خواني احلى الشبان وعندي انسجنوا عشرة ابوكا والباقي مضيع العنوان وعندي بنية شكَد حليوة داعب كَذلته السجان وعندي وليد زغير جاع ومن جوعة يدك البيبان وعندي احباب بذل الغربة وما عاد تلمهم اوطان ياوليدي احجيلك يا قصة وكل قصة تبجي الحيطان تسمع بنت المحمودية الضاعت بدراج النسيان لو تسمع قصة الفلوجة الشابت من عدهه الولدان  لو اهل النجف صارت مذبح والمقبرة صارت برهان لو احجيلك قصة مسجد مشتاك لصوت الأذان لو احجيلك ما ظل مسلم من كافر شك القرأن ولو احجيلك بعدة بظهري معلم ضرب ابن العجمان ولو احجيلك قصة نشمي عالشاشة مجتف عريان ولو احجيلك شرد احجيلك عالصاير خلف القضبان ومن جان يصدك يا وليدي نص زلمك صاروا نسوان يا وليدي اسكت كف دموعك مو وكت الدمعات الأن هذا الفارس لا بد يرجع والمهرة يشدلهه عنان ويكفكف دمعات الهدلة الصارت تتمنى الدفان ويرجع نخلات البصرة التحرس نركَز كردستان ويرجع القوس لبغدادي ويطرد عباد التومان ويرد شعبك سنة وشيعة حيدر ما يكره عثمان هذا الفارس اسمه اصدام ابن العوجة ابنج ميسان ابنج يا هولير الحرة وما هو مهجن من ايران هذا اصدام ابن الأيوبي الما صافح ولد الشيطان وحتى بيوم اعدامه ينادي المقدس حرة وما تنهان هذا اصدام ابنج يا كَاعي شلون اصدام اصبح قربان

شبكة البصرة

الجمعة 20 جماد الثاني 1433 / 11 آيار 2012